ພູເບ້ຍສູງພຽງຟ້າ ສວຍເດັ່ນງາມຕາ ປ່າໄມ້ດົກໜາ ພູຜາອ້ອມບັງ ເປັນດ່ານລົມໜາວ ຊາວເມືອງປະສົມເຜົ່າ ຖ້ຳເຈົ້າອະນຸວົງຄົງໄວ້ ແດນເຊື້ອວິລະຊົນ.

ເມນູຊ້າຍ

ລາຍການຕ່າງໆ

ແຜນທີ່ຂອງແຂວງ


ອົງການປົກຄອງ ແຂວງໄຊສົມບູນ ສຳເລັດກອງປະຊຸມ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018

ກອງປະຊຸມ ສະຫຼຸບ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2018 ຂອງອົງການປົກຄອງ ແຂວງໄຊສົມບູນ ໄດ້ສຳເລັດລົງໃນຕອນບ່າຍຂອງວັນທີ 31 ກໍລະກົດ 2018 ນີ້ ທີ່ສະໂມສອນເມືອງອະນຸວົງ ໂດຍການເປັນປະທານຂອງທ່ານ ພົຕ ປອ ທອງລອຍ ສີລິວົງ, ເຈົ້າແຂວງໄຊສົມບູນ.

ໃນກອງປະຊຸມ ຜູ້ເຂົ້າຮ່ວມໄດ້ສຸມທຸກສະຕິປັນຍາຂອງຕົນ ເຂົ້າໃນການປະກອບຄຳຄິດຄຳເຫັນດ້ວຍຄວາມຮັບຜິດຊອບສູງ ບົນພື້ນຖານຄວາມເປັນເອກກະພາບ ໂດຍການປຶກສາຫາລື ເພື່ອພ້ອມກັນຕີລາຄາຈຸດດີຈຸດອ່ອນ ແລະ ບັນດາຂໍ້ຄົງຄ້າງ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແນໃສ່ວາງທິດທາງແຜນການເຄື່ອນໄຫວ 6 ເດືອນທ້າຍປີ 2018 ໃນການພັດທະນາເສດຖະກິດ-ສັງຄົມ ຂອງແຂວງ. ພ້ອມນີ້ຍັງໄດ້ມີການຄົ້ນຄວ້າປຶກສາຫາລື ກ່ຽວກັບແຜນການໂຄງການລົງທຶນຂອງລັດປະຈຳປີ 2019 ເພື່ອເອກະພາບສະເໜີໃຫ້ສະພາປະຊາຊົນແຂວງອະນຸມັດ. ບັນດາຜູ້ແທນໃນກອງປະຊຸມທີ່ມາຈາກພະແນກການອ້ອມຂ້າງແຂວງ ກໍ່ໄດ້ລາຍງານສະພາບການຈັດຕັ້ງປະຕິບັດຂົງເຂດວຽກງານທີ່ຕົນຮັບຜິດຊອບໃນໄລຍະ 6 ເດືອນຕົ້ນປີ ແລະ ທິດທາງແຜນການເຄື່ອນໄຫວໃນລະໄຍ 6 ເດືອນທ້າຍປີ 2018. ໂດຍຍົກໃຫ້ເຫັນຜົນສໍາເລັດອັນພົ້ນເດັ່ນໃນຫຼາຍດ້ານ ທັງບັນຫາຂໍ້ຄົງຄ້າງທີ່ບໍ່ທັນບັນລຸ ແລະ ຊອກຫາສາເຫດທີ່ພາໃຫ້ຄົງຄ້າງ ເພື່ອແກ້ໄຂໃນຕໍ່ໜ້າໃຫ້ດີຂຶ້ນກວ່າເກົ່າ.

ສະຫາຍ ຫົວໜ້າຄະນະຈັດຕັ້ງສູນກາງພັກ ພ້ອມດ້ວຍຄະນະ ລົງຊຸກຍູ້ວຽກງານກໍ່ສ້າງພັກ-ພະນັກງານ ຢູ່ແຂວງໄຊສົມບູນ

ໃນວັນທີ 13 ພະຈິກ 2018 ນີ້ຜ່ານມານີ້ ສະຫາຍ ຈັນສີ ໂພສີຄຳ, ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ ພ້ອມດ້ວຍຄະນະ ໄດ້ລົງຊຸກຍູ້ວຽກງານກໍ່ສ້າງພັກ-ພະນັກງານ ຢູ່ແຂວງໄຊສົມບູນ ໂດຍການຕ້ອນຮັບຂອງສະຫາຍ ພົຕ ປອ. ທອງລອຍ ສິລິວົງ, ເລຂາພັກແຂວງ, ເຈົ້າແຂວງໄຊສົມບູນ, ມີຮອງເລຂາພັກແຂວງ, ສະພາປະຊາຊົນແຂວງ, ຄະນະປະຈຳພັກແຂວງ, ກຳມະການພັກແຂວງ ພ້ອມດ້ວຍພະແນກການ, ອົງການ, ກົມກອງ ອ້ອມຂ້າງແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ໂອກາດນີ້ ສະຫາຍ ພົຕ ປອ. ທອງລອຍ ສິລິວົງ ໄດ້ກ່າວຕ້ອນຮັບ ພ້ອມທັງລາຍງານບາງບັນຫາທີ່ພົ້ນເດັ່ນໃນການຊີ້ນຳ-ນຳພາ ການພັດທະນາຮອບດ້ານ ຂອງແຂວງໄຊສົມບູນ ໃນໄລຍະຜ່ານມາ ແລະ ບາງທິດທາງວຽກງານຈຸດສຸມໃນຕໍ່ໜ້າ ເພື່ອໃຫ້ຂັ້ນເທິງນຳໄປຄົ້ນຄວ້າພິຈາລະນາ. ໂອກາດດັ່ງກ່າວ ສະຫາຍ ຈັນສີ ໂພສີຄຳ ໄດ້ໂອ້ລົມຕໍ່ພະນັກງານຫຼັກແຫຼ່ງ ຂອງແຂວງໄຊສົມບູນ ຊຶ່ງສະຫາຍ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດ ທີ່ຄະນະພັກ-ຄະນະນຳ ແຂວງໄຊສົມບູນ ຍາດມາໄດ້. ພ້ອມນີ້ ສະຫາຍໄດ້ເນັ້ນໜັກໃຫ້ອຳນາດການປົກຄອງແຂວງ ຈົ່ງສືບຕໍ່ພັດທະນາແຂວງໄຊສົມບູນ ດ້ວຍຄວາມຕັດສິນໃຈສູງ ໂດຍຖືເອົາການສຶກສາອົບຮົມ-ເຕົ້າໂຮມຄວາມສາມັກຄີປອງດອງເປັນວຽກງານກົກ, ພັດທະນາຊົນນະບົດ-ແກ້ໄຂຄວາມທຸກຍາກຂອງປະຊາຊົນ ຕິດພັນກັບວຽກງານປ້ອງກັນຊາດ-ປ້ອງກັນຄວາມສະຫງົບ ເປັນບັນຫາສຳຄັນ ທັງສຸມໃສ່ວຽກງານກໍ່ສ້າງພັກ ກໍຄືການປັບປຸງພັກໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ເປັນຕົ້ນແມ່ນການປັບປຸງລະບົບການເມືອງຢູ່ຂັ້ນບ້ານ ໃຫ້ມີຄວາມໜັກແໜ້ນ  ໄປພ້ອມກັນກັບວຽກງານກໍ່ສ້າງພະນັກງານ ໂດຍຜ່ານຂະບວນການວຽກງານຕົວຈິງ ຢູ່ຮາກຖານທີ່ໃກ້ຊິດຕິດແທດກັບປະຊາຊົນ ແລະ ມີນໍ້າໃຈເສຍສະຫຼະອັນສູງສົ່ງ ໃນການຮັບໃຊ້ຊາດ-ຮັບໃຊ້ປະຊາຊົນ ພ້ອມກັນສ້າງສາພັດທະນາແຂວງໄຊສົມບູນ ໃຫ້ຈະເລີນກ້າວໜ້າ.

 

ແຈ້ງການ

ສະຖິຕິຜູ້ເຂົ້າຊົມເວັບໄຊ

ມື້ນີ້ມື້ນີ້21
ມື້ວານນີ້ມື້ວານນີ້39
ທິດນີ້ທິດນີ້13
ເດືອນນີ້ເດືອນນີ້758
ລວມທັງໝົດລວມທັງໝົດ1064

ລ໊ອກອິນເຂົ້າສູ່ລະບົບ