ພູເບ້ຍສູງພຽງຟ້າ ສວຍເດັ່ນງາມຕາ ປ່າໄມ້ດົກໜາ ພູຜາອ້ອມບັງ ເປັນດ່ານລົມໜາວ ຊາວເມືອງປະສົມເຜົ່າ ຖ້ຳເຈົ້າອະນຸວົງຄົງໄວ້ ແດນເຊື້ອວິລະຊົນ.

ເມນູຊ້າຍ

ລາຍການຕ່າງໆ

ແຜນທີ່ຂອງແຂວງ


ທ່ານຮອງປະທານປະເທດ ພ້ອມດ້ວຍຄະນະ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ ແຂວງໄຊສົມບູນ

     ທ່ານ ພັນຄຳ ວິພາວັນ, ຮອງປະທານປະເທດ, ຫົວໜ້າຄະນະຊີ້ນຳຈຸດສຸມພັດທະນາເຂດໃຈກາງ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງໄຊສົມບູນ ໃນວັນທີ 8 ມັງກອນ 2019 ນີ້ ທີ່ຫ້ອງປະຊຸມຫ້ອງວ່າການປົກຄອງ ແຂວງ ໄຊສົມບູນ ໂດຍການຕ້ອນຮັບຂອງທ່ານ ພົຕ ຄໍາລຽງ ອຸທະໄກສອນ, ຮັກສາການເຈົ້າແຂວງໄຊສົມບູນ ພ້ອມດ້ວຍຄະນະນຳຂອງແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

     ໂອກາດນີ້ ທ່ານ ພົຕ ຄຳລຽງ ອຸທະໄກສອນ, ໄດ້ກ່າວຕ້ອນຮັບ ພ້ອມທັງລາຍງານສະພາບລວມ ຂອງແຂວງໄຊສົມບູນ ໂດຍສະເພາະ ແມ່ນການພັດທະນາເສດຖະກິດ-ສັງຄົມຂອງແຂວງ ໃນໄລຍະຜ່ານມາ. ການເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງໄຊສົມບູນ ຂອງທ່ານຮອງປະທານປະເທດ ຄັ້ງນີ້ ກໍ່ເພື່ອລົງພົບປະການນຳແຂວງ ທັງຊີ້ນຳວຽກງານຮອບດ້ານ ຕໍ່ຄະນະນຳແຂວງ ໄຊສົມບູນ ໂດຍເລັ່ງໃສ່ການແກ້ໄຂຄວາມທຸກຍາກຂອງປະຊາຊົນບັນດາເຜົ່າ ເປັນບັນຫາກົກ ແລະ ສຳຄັນ ໄປຄຽງຄູ່ກັບວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອເຮັດໃຫ້ສັງຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ, ໂດຍທ່ານໄດ້ເນັ້ນໜັກໃຫ້ຄະນະພັກ-ຄະນະນໍາ ແຂວງ ໄຊສົມບູນ ພ້ອມກັນສືບຕໍ່ຜ່ານຜ່າທຸກຄວາມຫຍຸ້ງຍາກນາໆ ປະການ ສຸມໃສ່ພັດທະນາເສດຖະກິດ-ສັງຄົມ ຂອງແຂວງ ໃຫ້ມີບາດກ້າວຂະຫຍາຍຕົວ ຢ່າງຕໍ່ເນື່ອງ ທັງນຳເອົາແນວທາງນະໂຍບາຍການປ່ຽນແປງໃໝ່ຂອງພັກ-ລັດ ລົງເຜີຍແຜ່ໃຫ້ປະຊາຊົນບັນດາເຜົ່າ ໄດ້ຮັບຮູ້ ແລະ ເຂົ້າໃຈ ຢ່າງເລິກເຊິ່ງ, ສຸມໃສ່ພັດທະນາແຂວງໄຊສົມບູນ ໃຫ້ມີຄວາມຈະເລີນກ້າວໜ້າເທື່ອລະກ້າວ.

ພິທີ ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ຢູ່ແຂວງໄຊສົມບູນ

ພິທີ ປາຖະກະຖາ​ວັນ​ສ້າງຕັ້ງກອງທັບປະຊາຊົນລາວ ຄົບຮອບ 70 ປີ ( ວັນທີ 20 ມັງກອນ 1949-20 ມັງກອນ 2018 ) ຂອງແຂວງ​ໄຊ​ສົມບູນ ​ໄດ້​ຈັດ​ຂຶ້ນ​ໃນ​ວັນ​ທີ 19 ທັນວາ 2018 ທີ່ສະໂມສອນເມືອງອະນຸວົງ ​ໂດຍ​ການ​ປາຖະກະຖາ​ຂອງ​ທ່ານ ພົນຕີ ວົງຄຳ ພົມມະກອນ, ຄະນະປະຈໍາພັກ, ຫົວໜ້າກົມໃຫຍ່ພາລາທິການ-ກະຊວງປ້ອງກັນປະເທດ, ເຂົ້າຮ່ວມພິທີຄັ້ງນີ້ ມີ​ທ່ານ ບຸນຜັນ ພົມມະຈັນ, ປະທານກວດກາພັກ-ລັດ ແຂວງ, ຫົວໜ້າພະແນກການ, ທະຫານ-ຕຳຫລວດ, ພະນັກງານ-ລັດຖະກອນ ອ້ອມຂ້າງ ແຂວງ ພ້ອມດ້ວຍຄູອາຈານ ແລະ ນ້ອງໆນັກຮຽນ ມໍສໍ ໄຊສົມບູນ ເຂົ້າຮ່ວມ.

ໂອກາດນີ້ ທ່ານ ພົນຕີ ວົງຄຳ ພົມມະກອນ ໄດ້​ເລົ່າຄືນ​ປະຫວັດ​ຄວາມ​ເປັນ​ມາ​ຂອງ​ວັນສ້າງຕັ້ງກອງທັບ ປະຊາຊົນລາວ ຊື່ງທ່ານໄດ້ຍົກໃຫ້ເຫັນປະຫວັດສາດການກຳເນີດ ຂອງກອງທັບປະຊາຊົນລາວ ນັບແຕ່ທ້າຍສະຕະວັດທີ 19 ຫາຕົ້ນສະຕະວັດທີ 20. ທັງນີ້ກໍ່ເພື່ອເຮັດໃຫ້ພະນັກງານ-ທະຫານ ຕຳຫລວດ, ນັກຮຽນຮູ້ປັນຍາຊົນ ໄດ້ຮັບຮູ້ເຖີງປະຫວັດການເຕີມໃຫຍ່ຂະຫຍາຍຕົວຂອງກອງທັບປະຊາຊົນລາວ ທີ່ໄດ້ຜ່ານຜ່າເສັ້ນທາງ ອັນລະອິດລະອ້ຽວ, ຫຍຸ້ງຍາກ, ແຕ່ພວກເພິ່ນ ກໍໄດ້ຮັບໄຊຊະນະຕະຫຼອດມາ ພາຍໃຕ້ການນຳພາຂອງພັກ.

ຂ່າວ: ສຸກສັນ ອ້ວນລິທິກຸນ    

ແຈ້ງການ

ສະຖິຕິຜູ້ເຂົ້າຊົມເວັບໄຊ

ມື້ນີ້ມື້ນີ້9
ມື້ວານນີ້ມື້ວານນີ້17
ທິດນີ້ທິດນີ້56
ເດືອນນີ້ເດືອນນີ້284
ລວມທັງໝົດລວມທັງໝົດ1800

ລ໊ອກອິນເຂົ້າສູ່ລະບົບ