ພູເບ້ຍສູງພຽງຟ້າ ສວຍເດັ່ນງາມຕາ ປ່າໄມ້ດົກໜາ ພູຜາອ້ອມບັງ ເປັນດ່ານລົມໜາວ ຊາວເມືອງປະສົມເຜົ່າ ຖ້ຳເຈົ້າອະນຸວົງຄົງໄວ້ ແດນເຊື້ອວິລະຊົນ.

ເມນູຊ້າຍ

ລາຍການຕ່າງໆ

ແຜນທີ່ຂອງແຂວງ


ທ່ານ ແດງ ປະທູມທອງ ເຂົ້າຮ່ວມພິທີສະເຫລີມສະຫລອງ ວັນບູນກິນຈຽງ (ນໍ່ເປ້ເຈົ່າ) ຂອງຊົນເຜົ່າມົ້ງ

 

ວັນທີ 16 ທັນວາ 2018 ນີ້ ທ່ານ ແດງ ປະທຸມທອງ, ຫົວໜ້າຫ້ອງວ່າການແຂວງ ໄຊສົມບູນ ໄດ້ເຂົ້າຮ່ວມພິທີສະເຫລີມ ສະຫລອງວັນບູນກິນຈຽງ (ນໍ່ເປ້ເຈົ່າ) ຂອງເຜົ່າມົ້ງ ທີ່ບ້ານອ່ານເໜືອ, ເມືອງ ອະນຸວົງ, ແຂວງ ໄຊສົມບູນ ໂດຍໄດ້ຮັບການຕ້ອນຮັບຈາກອໍານາດການປົກຄອງບ້ານ ແລະ ພໍ່ແມ່ປະຊາຊົນຂອງບ້ານອ່າວເໜືອ, ຢ່າງເບີກບານມ່ວນຊື່ນ. ກ່ອນອື່ນອໍານາດການປົກຄອງບ້ານກໍ່ໄດ້ຜ່ານບົດສະຫລຸບໂດຍຫຍໍ້ ກ່ຽວກັບຜົນສຳເລັດການ ຈັດຕັ້ງປະຕິບັດວຽກງານຮອບດ້ານ ໃນໄລຍະ 1 ປີຜ່ານມາຂອງບ້ານອ່າວເໜືອ ເຊິ່ງກໍ່ມີຫລາຍບັນຫາທີພົ້ນເດັ່ນເປັນຕົ້ນແມ່ນວຽກງານປ້ອງກັນຊາດ, ປ້ອງກັນຄວາມສະງົບເຫັນວ່າປະຊາຊົນໃນບ້ານ ມີຄວາມສະຫງົບ, ມີຄວາມຢູ່ດີຜາສຸກ ຮັກແພງຊ່ວຍເຫລືອເຊິ່ງກັນ ແລະ ກັນ ແລະ ກໍ່ໄດ້ສະເໜີໄປໃຫ້ຂັ້ນເທິງຊ່ວຍພິຈາລະນາແກ້ໄຂບາງບັນຫາທີຍັງພົບຄວາມຫຍຸ້ງຍາກ ແລະ ຍັງຂາດຕົກບົກຜ່ອງ.

ໂອກາດນີ້ປະຊາຊົນກໍ່ໄດ້ຮັບຟັງການ ໂອ້ລົມຂອງ ທ່ານ ແດງ ປະທຸມທອງ ເຊິ່ງທ່ານໄດ້ຍ້ອງຍໍຊົມເຊີຍຕໍ່ຜົນງານດີເດັ່ນທີບ້ານຍາດມາໄດ້ນັ້ນ ແລະ ໃນການຮັກສາຮິດຄອງປະເພນີອັນດີງາມທີສືບທອດກັນມາແຕ່ບູຮານ ຂອງປາຊາຊົນບັນດາເຜົ່າໃນທົ່ວປະເທດເວົ້າລວມ ເວົ້າສະເພາະກໍ່ປະຊາຊົນບ້ານອ່າວເໜືອ ເພື່ອເປັນບ່ອນອີງໃຫ້ ແກ່ແຜນພັດ ທະນາເສດຖະກິດ ແລະ ສັງຄົມໃຫ້ມີການ ຂະຫຍາຍຕົວຢ່າງຕໍ່ເນື່ອງ ເຮັດໃຫ້ຊີວິດການເປັນຢູ່ຂອງ ປະຊາຊົນທຸກຊັ້ນຄົນ, ມີວຽກເຮັດງານທຳອັນແນ່ນອນ, ສ້າງລາຍຮັບເຂົ້າສູ່ຄອບຄົວ ໃຫ້ນັບມື້ຫຼາຍຂຶ້ນ ເພື່ອຫຼຸດ ພົ້ນອອກຈາກຄອບຄົວທຸກ ຍາກກາຍເປັນຄອບຄົວຮັ່ງມີເທື່ອລະກ້າວ ແລະ ສ້າງຄວາມສາມັກຄີໃຫ້ແໜ້ນແຟ້ນ, ພ້ອມກັນປົກປັກຮັກສາຮີດຄອງ ປະເພນີ ແລະ ວັດທະນະທຳ ອັນດີງາມຂອງເຜົ່າ, ຂອງຊາດໃຫ້ຍືນຍົງຄູ່ກັບເຜົ່າມົ້ງ ຕະຫຼອດໄປ ໃນນັ້ນທ່ານກໍ່ໄດ້ແໜ້ນໜັກຫລາຍບັນຫາທີສໍາຄັນເຊັ່ນ: ບັນຫາຄວາມສະງົບພາຍໃນ, ຄວາມສາມັກຄີປອງດອງຊ່ວຍເຫລືອເຊິ່ງກັນ ແລະ ກັນ ໃຫ້ປະຊາຊົນຈົ່ງເຊື່ອໝັ້ນຕໍ່ແນວທາງ ການນໍາພາຂອງພັກ-ລັດ, ກາຍເປັນຕົວແບບທີ່ດີເດັ່ນຂອງບ້ານ, ເມືອງ, ຂອງແຂວງ ແລະ ພ້ອມກັນຈັດຕັ້ງປະຕິບັດ  ແນວທາງນະໂຍບາຍຂອງ ພັກໃຫ້ປາກົດຜົນເປັນຈິງ, ເຊີດຊູນໍ້າໃຈຮັກຊາດ, ຮັກລະບອບໃໝ່, ຮັກບ້ານ ເກີດເມືອງນອນ,ຮັກວັດທະນະທໍາພ້ອມກັນເຄົາລົບ ແລະ ປະຕິບັດລະບຽບກົດໝາຍ ຢ່າງເຂັ້ມງວດ, ປະຊາຊົນຕ້ອງເປັນເຈົ້າການເປັນຫຼັກແຫຼ່ງ  ໃນການເຕົ້າໂຮມຄວາມສາມັກຄີ ໃຫ້ເປັນປຶກແຜ່ນແໜ້ນໜາ ເພື່ອພ້ອມກັນເປັນເຈົ້າ ການປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາ, ສ້າງສາພັດທະນາປະເທດຊາດ ແລະ ພ້ອມກັນພັດທະນາແຂວງ ໄຊສົມບູນໃຫ້ກ້າວຂຶ້ນ ຢ່າງບໍ່ຢຸດຢັ້ງ. ສຸດທ້າຍທ່ານ ກໍ່ໄດ້ອວຍພອນໄຊໃນໂອກາດເຂົ້າບຸນກິນຈຽງຂອງປະຊາຊົນບ້ານອ່າວເໜືອ ກໍ່ຄືບູນປະນີຂອງພີ່ນ້ອງເຜົ່າມົ້ງ ຈົ່ງເປັນບຸນແຫ່ງຄວາມເບີກບານມ່ວນຊື່ນ, ເປັນບຸນແຫ່ງຄວາມສຸກສົມຫວັງ.

ໃນພິທີກໍໄດ້ຮັບການສູ່ຂວັນສົ່ງທ້າຍປີເກົ່າ ແລະ ຕ້ອນຮັບປີໃໝ່ ເພື່ອເຮັດ ພິທີກຳລະນຶກເຖິງບັນພະບູລຸດ, ເຈົ້າກົກເຈົ້າເລົ່າ ແລະ ກໍ່ໄດ້ຮັບຊົມການສະແດງສິລະປະວັນນະຄະດີຈາກບ້ານ ເປັນຕົ້ນແມ່ນການ ຟ້ອນ, ການເຕັ້ນ, ເປົ່າແຄນ ທີ່ເປັນເອກະລັກ ສະເພາະຂອງຊົນເຜົ່າມົ້ງໃຫ້ຜູ້ ເຂົ້າຮ່ວມໄດ້ຮັບຊົມ. ພ້ອມນີ້ບັນດາການນໍາກໍໄດ້ຮ່ວມ  ກິດຈະກໍາໂຍນໝາກຄອນ ທ່າມກາງຄວາມເບີກບານມ່ວນຊື່ນ.

ຂ່າວ + ພາບ: ຕູ້ຊົ່ງ      

ແຈ້ງການ

ສະຖິຕິຜູ້ເຂົ້າຊົມເວັບໄຊ

ມື້ນີ້ມື້ນີ້12
ມື້ວານນີ້ມື້ວານນີ້17
ທິດນີ້ທິດນີ້59
ເດືອນນີ້ເດືອນນີ້287
ລວມທັງໝົດລວມທັງໝົດ1803

ລ໊ອກອິນເຂົ້າສູ່ລະບົບ