ພູເບ້ຍສູງພຽງຟ້າ ສວຍເດັ່ນງາມຕາ ປ່າໄມ້ດົກໜາ ພູຜາອ້ອມບັງ ເປັນດ່ານລົມໜາວ ຊາວເມືອງປະສົມເຜົ່າ ຖ້ຳເຈົ້າອະນຸວົງຄົງໄວ້ ແດນເຊື້ອວິລະຊົນ.

ເມນູຊ້າຍ

ລາຍການຕ່າງໆ

ແຜນທີ່ຂອງແຂວງ


ພະແນກແຜນການ ແລະ ລົງທຶນ ແຂວງໄຊສົມບູນ ຈັດກອງປະຊຸມ ແນະນຳການສະຫຼຸບຂາດຕົວ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2017, ກະກຽມສະຫຼຸບກາງສະໄໝແຜນ 5 ປີ ຄັ້ງທີ VIII 2016-2020 ແລະ ແຜນການລົງທຶນຂອງລັດປະຈຳປີ 2018

ກອງ​ປະຊຸມ ​ແນະນຳການສະຫຼຸບຂາດ​ຕົວການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ ປະຈຳ​ປີ 2017, ກະກຽມສະຫຼຸບກາງ​ສະ​ໄໝ​ແຜນ 5 ປີ ຄັ້ງທີ VIII 2016-2020 ​ແລະ ການ​ຊຸກຍູ້​ການ ຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ ​ແລະ ​ແຜນການ​ລົງທຶນ​ຂອງ​ລັດ ປະຈຳ​ປີ 2018 ຂອງ​ພະ​ແນ​ກ​ແຜນການ ​ແລະ ການ​ລົງທຶນ ​ແຂວງ​ໄຊ​ສົມບູນ ​ໄດ້​ຈັດ​ຂຶ້ນ​ໃນ​ວັນ 16 ມີນາ 2018 ທີ່​ສະ​ໂມ​ສອນ​ສອນ​ເມືອງ​ອະນຸວົງ, ​ໂດຍ​ການ​ເປັນ​ປະທານ​ຮ່ວມ​ຂອງ​ທ່ານ ປອ ສຸພັນ ​ແກ້ວ​ມີ​ໄຊ, ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ ​ແລະ ທ່ານ ພົຕ ປອ ທອງ​ລອຍ ສີ​ລິ​ວົງ, ​ເຈົ້າ​ແຂວງ​ໄຊ​ສົມບູນ, ມີ​ບັນດາ​ທ່ານ​ຫົວໜ້າກົມ​ຈາກ​ສູນ​ກາງ, ຜູ້​ແທນສະພາ​ປະຊາຊົນ, ​ເຈົ້າ​ເມືອງ ພ້ອມ​ດ້ວຍ​ພະນັກງານຫຼັກ​ແຫຼ່ງຂອງ​ແຂວງ​ໄຊ​ສົມບູນ, ​ແຂວງ​ບໍລິ​ຄຳ​ໄຊ ​ແລະ ພະ​ແນ​ກການ, ອົງການ-ກົມ​ກອງ​ອ້ອມ​ຂ້າງ​ແຂວງ​ ເຂົ້າຮ່ວມ.

​ໂອກາດ​ນີ້ ທ່ານ ພົຕ ປອ ທອງ​ລອຍ ສີ​ລິ​ວົງ ​ໄດ້​ລາຍ​ງານ​ກ່ຽວກັບການລົງທຶນ​ ​ໃນ​ການ​ປະຕິບັດ ແຜນພັດທະນາເສດຖະກິດ-ສັງຄົມ ຂອງແຂວງໄຊສົມບູນ ໃນໄລຍະຜ່ານມາ.  ​ຈາກນັ້ນ ທ່ານ ປອ ສຸພັນ ແກ້ວມີໄຊ ໄດ້ມີຄຳເຫັນຕໍ່ກອງປະຊຸມ ພ້ອມທັງສະເໜີສາມຈຸດປະສົງຫຼັກ ເປັນຕົ້ນ ການສະຫຼຸບຂາດຕົວ ຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນການລົງທຶນຂອງລັດ ປີ 2017, ການກະກຽມສະຫຼຸບກາງສະໄໝ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII (2016-2020) ​ແລະ ​ແນະນຳ​​ການຈັດຕັ້ງປະຕິບັດ​ແຜນ​ພັດທະນາ​ເສດຖະກິດ-ສັງຄົມ ​ແລະ ​ແຜນການ​ລົງທຶນ​ປະຈຳ​ປີ 2018. ທັງ​ນີ້ ກໍ​ເພື່ອ​ໃຫ້​​ທຸກ​ພາກສ່ວນ​ຂອງ​ແຂວງ​ຕີ​ລາຄາ​ຄືນ​ ການຈັດຕັ້ງປະຕິບັດບັນດາ​ຕົວ​ເລກ​ຄາດໝາຍຕ່າງໆ ​ໂດຍ​ທຽບ​ໃສ່​ບັນດາ​ຄາດໝາຍສູ້​ຊົນ​ ທີ່​ໄດ້​ກຳນົດ​ໄວ້​ໃນ​ແຜນ​ວ່າ​​ແທດ​ເໝາະກັບ​ສະພາບ​ຄວາມ​ເປັນ​ຈິງ​ໃນ​ປັດຈຸບັນຫຼືບໍ່ ພ້ອມ​ທັງ​ຄິດ​ໄລ່​ຄືນ​ອັດຕາ​ການ​ເຕີບ​ໂຕ​ທາງ​ດ້ານ​ເສດຖະກິດ​ຂອງ​ແຂວງ ​ແລະ ບັນດາ​ຕົວ​ເລກ​ເສດຖະກິດ​ມະຫາ​ພາກ​ຕ່າງໆ ​ໃນ​ການຈັດຕັ້ງປະຕິບັດ​ປີ 2017 ​ໂດຍ​ປະສານ​ສົມທົບ​ກັບ​ຂະ​ແໜງການ​ແຜນການ, ສະຖິຕິ ​ແລະ ພາກສ່ວນ​ທີ່​ກ່ຽວຂ້ອງ​ ​ໃນ​ການ​ນຳ​ເອົາ​ຕົວ​ເລກ​ຕົວ​ຈິງ​ມາ​ຄິດ​ໄລ່ ​ເພື່ອ​ໃຫ້​ສາມາດ​ຢືນຢັນ​ໄດ້​ວ່າ ອັນ​ໃດ​ບັນລຸ​ໄດ້ ຫຼື ອັນ​ໃດຫຼຸດຄາດໝາຍ ​ທັງ​ຊອກວິທີ​ແກ້​ໄຂ​ໃນຕໍ່ໜ້າ ​ເພື່ອ​ໃຫ້​ພະ​ແນ​ກ​ແຜນການ ​ແລະ ການ​ລົງທຶນ​ແຂວງ ກະກຽມ​ການ​ລາຍ​ງານ​ໃຫ້​ຄະນະ​ນຳ​ຂອງ​ແຂວງ ​ແລ້ວ​ສົ່ງ​ໃຫ້​ກະຊວງ​ແຜນການ ​ແລະ ການ​ລົງທຶນ ​ເພື່ອ​ນຳ​ໄປ​ຄົ້ນຄວ້າ ​ແລ້ວ​ລາຍ​ງານ​ຕໍ່ກອງ​ປະຊຸມ​ລັດຖະບານ ​ແລະ ກອງ​ປະຊຸມ​ສູນ​ກາງທີ່​ຈະ​ມາ​ເຖິງ​ນີ້ ​ໃຫ້ທັນ​ເວລາ​​ທີ່​ກຳນົດ​ໄວ້.

ແຈ້ງການ

ສະຖິຕິຜູ້ເຂົ້າຊົມເວັບໄຊ

ມື້ນີ້ມື້ນີ້12
ມື້ວານນີ້ມື້ວານນີ້17
ທິດນີ້ທິດນີ້59
ເດືອນນີ້ເດືອນນີ້287
ລວມທັງໝົດລວມທັງໝົດ1803

ລ໊ອກອິນເຂົ້າສູ່ລະບົບ