ພູເບ້ຍສູງພຽງຟ້າ ສວຍເດັ່ນງາມຕາ ປ່າໄມ້ດົກໜາ ພູຜາອ້ອມບັງ ເປັນດ່ານລົມໜາວ ຊາວເມືອງປະສົມເຜົ່າ ຖ້ຳເຈົ້າອະນຸວົງຄົງໄວ້ ແດນເຊື້ອວິລະຊົນ.

ເມນູຊ້າຍ

ລາຍການຕ່າງໆ

ແຜນທີ່ຂອງແຂວງ


ພູເບ້ຍ

ພູເບ້ຍ ເປັນພູທີ່ສູງທີ່ສູດໃນປະເທດລາວ ເຊິ່ງມີຄວາມສູງ 2,820 ແມັດ, ເປັນພູທີ່ມີຄວາມອຸດົມສົມບູນທາງດ້ານ ພືດພັນນາໆ, ມີພູມອາກາດທີ່ໜາວເຢັນ, ມີສັດສາວາສິ່ງຫລາຍຊະນິດທີ່ອາໄສຢູ່ໃນພູແຫ່ງນີ້ ເປັນຕົ້ນ: ລີງ, ຄ່າງ, ຊະນີ, ກວາງ, ຟານ, ເຍືອງ, ນົກຍູງ ແລະ ສັດປະເພດອື່ນໆອີກ...ນອກນັ້ນ ຍັງມີໄມ້ຫລາຍຊະນິດເຊັ່ນ: ໄມ້ດູ່, ໄມ້ແຄນ, ໄມ້ຍຸງ, ໄມ້ຍາງ, ໄມ້ໂລງເລງ. ພູເບ້ຍ ເປັນພູທີ່ຕັ້ງສູງສະຫງ່າ ເປັນດັ່ງມິ່ງຂວັນຂອງຊາວເມືອງອະນຸວົງ ແຂວງໄຊສົມບູນ, ເປັນພູທີ່ມີຄວາມໂດດເດັ່ນ ແລະ ມີຊື່ສຽງຢູ່ໃນ ສປປ ລາວ, ມີປະຫວັດຄວາມເປັນມາອັນຍາວນານ. ໃນໄລຍະທີ່ເປັນເຂດພິເສດໄຊສົມບູນ ການນຳເຂດພິເສດໄດ້ມີການສ້າງເສັ້ນທາງຂຶ້ນໄປຫາພູເບ້ຍ ຈາກຕີນພູເຖິງຈອມພູ ເຊິ່ງມີໄລຍະທາງ 50 ກິໂລແມັດ ທີ່ສາມາດເດີນທາງໄປດ້ວຍຍານພາຫະນະທຸກປະເພດ ແຕ່ໂຄງການດັ່ງກ່າວສາມາດສ້າງໄດ້ພຽງ 16 ກິໂລ ແມັດ ແລະ ໂຄງການກໍ່ສ້າງເສັ້ນທາງດັ່ງກ່າວ ກໍໄດ້ໂຈະໄວ້.

ມາເຖິງປີ 2006-2013 ເຂດພິເສດໄຊສົມບູນ ໄດ້ຖືກຍຸບ ແລະ ໄດ້ໂຮມເຂົ້າກັບແຂວງວຽງຈັນໃນຊ່ວງນັ້ນ ພູເບ້ຍກໍໄດ້ຮັບການພັດທະນາຢ່າງຕໍ່ເນື່ອງ ຈົນມາຮອດ ວັນທີ 13 ເດືອນທັນວາ ປີ 2013 ເມືອງໄຊສົມບູນ ໄດ້ເປີດເປັນແຂວງໃຫມ່ຊື່ວ່າ: ແຂວງໄຊສົມບູນ.

ພູເບ້ຍຕັ້ງຢູ່ບ້ານພູຫົວຊ້າງ ຫ່າງຈາກເທດສະບານເມືອງອະນຸວົງ ໄປທາງທິດເໜືອປະມານ 6 ກິໂລ ແມັດ, ຈາກຕີນພູເຖິງຈອມພູ ມີໄລຍະທາງປະມານ 56 ກິໂລແມັດ, ສາມາດເຂົ້າເຖິງໄດ້ທັງສອງລະດູຢ່າງສະດວກສະບາຍ ແລະ ສາມາດນ້ຳໃຊ້ລົດທຸກຊະນິດໃນການເຂົ້າເຖິງ, ແຕ່ໃນປະຈຸບັນທາງອຳນາດປົກຄອງແຂວງ ຍັງບໍ່ທັນອະນຸຍາດໃຫ້ນັກທ່ອງທ່ຽວເຂົ້າຢ້ຽມຊົມ ເນື່ອງຈາກສະຖານທີ່ດັ່ງກ່າວ ຍັງບໍ່ທັນໄດ້ຮັບການພັດທະນາ ແລະ ບໍ່ທັນສາມາດຮອງຮັບນັກທ່ອງທ່ຽວໄດ້.

ນ້ຳຕົກຕາດປຸ່ງ

ນ້ຳຕົກຕາດປຸ່ງ ເປັນນ້ຳຕົກຕາດທີ່ອຸດົມສົມບູນ​ໄປ​ດ້ວຍ ​ຊັບພະຍາກອນ​ປ່າ​ໄມ້ພືດພັນນາໆຊະນິດ, ມີສັດ​ບົກ ແລະ ສັດ​ນ້ຳ​ອາ​ໄສຢູ່ເປັນຈຳນວນ​ຫລວງ​ຫລາຍ; ຕາດນີ້ຖືກຄົ້ນພົບໃນປີ 1990. ຕອນ​ລຸ່ມຂອງ​ຕາດ​ນີ້​ມີ​ບໍ່ນ້ຳ ຫລື ບວກ​ນ້ຳເຄັມ ​ເຊິ່ງ​ເອີ້ນ​ອີກຄຳ​ເວົ້າ​ໜຶ່ງ​ວ່າ​: “ປຸ່ງ””ມີຄວາມກວ້າງປະມານ 4-5 ​ແມັດ​ມົນທົນ. ໃນເມື່ອກ່ອນປະກົດ​ວ່າ​ມີ​ຝູງ​ສັດປ່າ​ຈຳພວກ: ຊ້າງ, ໝີ, ​ເໝີຍ, ກວາງ, ໝູ​ປ່າ ແລະ ນົກ​ໜູ​ນາໆ​ຊະນິດລົງ​ມາ​ກິນນໍ້າ ​ແລະ ດິ​ນທີ່​ເຄັມ​ໃນປຸ່ງແຫ່ງນີ້, ດັ່ງນັ້ນ ປະຊາຊົນໃນເຂດດັ່ງກ່າວ ຈຶ່ງໃສ່ຊື່ນ້ຳຕົກຕາດແຫ່ງນີ້ວ່າ​: “ນໍ້າ​ຕົກຕາດປຸ່ງ”.

ນ້ຳຕົກຕາດປຸ່ງ ຕັ້ງຢູ່ບ້ານນ້ຳຄຸຍ ເມືອງລ້ອງຊານ ຫ່າງຈາກເທດສະບານເມືອງໄປປະມານ 3 ກິໂລແມັດ, ທາງເຂົ້າເຖິງໄດ້ຍ່າງສະດວກສະບາຍ ແລະ ເປີດບໍລິການແກ່ນັກທ່ອງທ່ຽວເຂົ້າໄປທ່ຽວຊົມທຸກໆວັນ ເລີ່ມແຕ່ 8:30 ເຊົ້າຫາ 6:00 ໂລງ.

ແຈ້ງການ

ສະຖິຕິຜູ້ເຂົ້າຊົມເວັບໄຊ

ມື້ນີ້ມື້ນີ້9
ມື້ວານນີ້ມື້ວານນີ້17
ທິດນີ້ທິດນີ້56
ເດືອນນີ້ເດືອນນີ້284
ລວມທັງໝົດລວມທັງໝົດ1800

ລ໊ອກອິນເຂົ້າສູ່ລະບົບ