ນ້ຳຕົກຕາດປຸ່ງ

13/08/2020

ນ້ຳຕົກຕາດປຸ່ງ

ນ້ຳຕົກຕາດປຸ່ງ ເປັນນ້ຳຕົກຕາດທີ່ອຸດົມສົມບູນ​ໄປ​ດ້ວຍ ​ຊັບພະຍາກອນ​ປ່າ​ໄມ້ພືດພັນນາໆຊະນິດ, ມີສັດ​ບົກ ແລະ ສັດ​ນ້ຳ​ອາ​ໄສຢູ່ເປັນຈຳນວນ​ຫລວງ​ຫລາຍ; ຕາດນີ້ຖືກຄົ້ນພົບໃນປີ 1990. ຕອນ​ລຸ່ມຂອງ​ຕາດ​ນີ້​ມີ​ບໍ່ນ້ຳ ຫລື ບວກ​ນ້ຳເຄັມ ​ເຊິ່ງ​ເອີ້ນ​ອີກຄຳ​ເວົ້າ​ໜຶ່ງ​ວ່າ​: “ປຸ່ງ””ມີຄວາມກວ້າງປະມານ 4-5 ​ແມັດ​ມົນທົນ. ໃນເມື່ອກ່ອນປະກົດ​ວ່າ​ມີ​ຝູງ​ສັດປ່າ​ຈຳພວກ: ຊ້າງ, ໝີ, ​ເໝີຍ, ກວາງ, ໝູ​ປ່າ ແລະ ນົກ​ໜູ​ນາໆ​ຊະນິດລົງ​ມາ​ກິນນໍ້າ ​ແລະ ດິ​ນທີ່​ເຄັມ​ໃນປຸ່ງແຫ່ງນີ້, ດັ່ງນັ້ນ ປະຊາຊົນໃນເຂດດັ່ງກ່າວ ຈຶ່ງໃສ່ຊື່ນ້ຳຕົກຕາດແຫ່ງນີ້ວ່າ​: “ນໍ້າ​ຕົກຕາດປຸ່ງ”.

ນ້ຳຕົກຕາດປຸ່ງ ຕັ້ງຢູ່ບ້ານນ້ຳຄຸຍ ເມືອງລ້ອງຊານ ຫ່າງຈາກເທດສະບານເມືອງໄປປະມານ 3 ກິໂລແມັດ, ທາງເຂົ້າເຖິງໄດ້ຍ່າງສະດວກສະບາຍ ແລະ ເປີດບໍລິການແກ່ນັກທ່ອງທ່ຽວເຂົ້າໄປທ່ຽວຊົມທຸກໆວັນ ເລີ່ມແຕ່ 8:30 ເຊົ້າຫາ 6:00 ໂລງ.

 

ໂທລະພາບ ແຂວງ ໄຊສົມບູນ
ແຜນທີ ແຂວງໄຊສົມບູນ
ເບີໂທສຸກເສີຍຂອງ ແຂວງ
ໜັງສືພີມ ປະຊາຊົນ
ໜັງສືພີມເສດຖະກີດ ແລະ ການຄ້າ