ນ້ຳຕົກຕາດຍອງ

19/08/2020

ນ້ຳຕົກຕາດຍອງ

ນ້ຳຕົກຕາດຍອງ ເປັນນ້ຳຕົກຕາດ 3 ຊັ້ນຕິດຕໍ່ກັນ ເຊິ່ງມີຄວາມສູງປະມານ 30 ແມັດ. ​​ໃນ​ເມື່ອ​​ກ່ອນ​ປະຊາຊົນ​ສ່ວນ​ຫລາຍ ເຊື່ອຖື​ກັນວ່ານ້ຳຕົກຕາດ​ຍອງ ເປັນ​ສະຖານທີ່​ສັກສິດ ແລະ ເປັນບ່ອນສັກກະ​ລະ​ບູຊາ​ຂອງ​ຊາວບ້ານທັງຫລາຍ ເພາະວ່າທຸກວັນ​ສິນ 15 ຄ່ຳຈະໄດ້​ມີ​ສຽງ​ຄ້ອງ​, ສຽງ​ກອງ​ດັງອອກມາຈາກຮ່ອມພູຂອງນ້ຳຕົກ​ຕາດ​ດັ່ງກ່າວ ແລະ ຕາມການບອກເລົ່າຂອງຜູ່​ເຖົ້າ​ຜູ່ແກ່​ອາວຸ​ໂສ ໄດ້​ເລົ່າສູ່ຟັງວ່າ ໃນເມື່ອກ່ອນນ້ຳຕົກຕາດຍອງ ​ເປັນ​ສະຖານ​ທີ່ປະຕິ​ບັດ​ທຳທາງ​ພຸດທະ​ສາສະໜາຂອງພະສົງ. ນອກນັ້ນ ປະຊາຊົນຍັງພົບເຫັນຮອຍຕີນຄົນບູຮານ ແລະ ຮອຍຕີນໝາຕິດຢູ່ພະລານຫີນຢູ່ຕີນຕາດຊັ້ນທີ 2.

ນ້ຳຕົກຕາດຍອງ ຕັ້ງຢູ່ບ້ານປາກຍອງ ເມືອງທ່າໂທມ ແຂວງໄຊສົມບູນ ແລະ ນອນຢູ່ໃນເຂດປ່າສະ ຫງວນຂອງບ້ານ ເຊິ່ງຫ່າງຈາກເສັ້ນທາງເລກ 1 ປະມານ 2 ກິໂລແມັດ, ເສັ້ນທາງເຂົ້າເຖິງເປັນທາງດິນແດງ, ສະດວກສະບາຍໃນການເຂົ້າເຖິງໄດ້ທັງສອງລະດູ ແລະ ສາມາດນ້ຳໃຊ້ລົດທຸກປະເພດ.

 

ໂທລະພາບ ແຂວງ ໄຊສົມບູນ
ແຜນທີ ແຂວງໄຊສົມບູນ
ເບີໂທສຸກເສີຍຂອງ ແຂວງ
ໜັງສືພີມ ປະຊາຊົນ
ໜັງສືພີມເສດຖະກີດ ແລະ ການຄ້າ