ສັນພູໝອກ

19/08/2020

ສັນພູໝອກ

ສັນພູໝອກເປັນພູໜຶ່ງທີ່ມີຄວາມສວຍງາມທາງດ້ານທຳມະຊາດ, ເປັນພູຫົວໂລ້ນທີມີລັກສະນະຍາວຢຽດ ໂດດເດັ່ນທີ່ແຕກຕ່າງຈາກພູໜ່ວຍອື່ນ ເຊິ່ງເປັນເອກະລັກສະເພາະຂອງຕົນ, ເປັນມົນສະເໜ່ທີ່ສ້າງຄວາມສົນໃຈໃຫ້ແກ່ ນັກທ່ອງທ່ຽວເຂົ້າມາທ່ຽວຊົມເມືອງລ້ອງແຈ້ງ. ສັນພູໝອກມີຄວາມສູງປະມານ 300 ແມັດ ແລະ ຍາວປະມານ 12 ກິໂລແມັດ, ໃນສະໄໝກ່ອນ ຜູ້ເຖົ້າຜູ້ແກ່ເພີ່ນເວົ້າວ່າ ໃນແຕ່ລະວັນຈະມີໝອກເຟື້ອປົກຄຸ້ມຢູ່ບໍລິເວນເທິງພູ ຢູ່ຕະຫລອດເວລາ ຄ້າຍຄືກັບທະເລໝອກ ຫລື ສວງສະຫວັນວິ ມານຊັ້ນຟ້າ ຊື່ງກົງກັນຂ້າມກັບພູໜ່ວຍອື່ນໆຊຳພັດເປີດແປນ ສະນັ້ນ, ຍ້ອນມີປະກົດການດັ່ງກ່າວນີ້ ຈຶ່ງພາກັນເອີ້ນວ່າສັນພູໝອກ ຈົນມາເຖິງທຸກວັນນີ້. ໃນປະຈຸບັນສັນພູ ໝອກ ກາຍເປັນແຫລ່ງທ່ອງທ່ຽວທີ່ມີຊື່ສຽງຂອງເມືອງລ້ອງແຈ້ງ ເໝາະແກ່ການທ່ຽວຊົມທຳມະຊາດ ແລະ ພັກຜ່ອນຕາກອາກາດທີ່ເຢັນສະບາຍສົດຊື່ນ ເມື່ອຂຶ້ນໄປຢູ່ຈອມພູໜ່ວຍນີ້ ຈະສາມາດແນມເຫັນທິວທັດຄວາມສວຍງາມ ຂອງເມືອງລ້ອງແຈ້ງ.

ສັນພູໝອກ ຕັ້ງຫ່າງຈາກເທດສະບານເມືອງລ້ອງແຈງ ໄປທາງທິດເໜືອ ປະມານ 7 ກິໄລແມັດ, ການເຂົ້າເຖິງແມ່ນມີຄວາມສະດວກສະບາຍ ແລະ ສາມາດນຳໃຊ້ລົດທຸກປະເພດເຂົ້າໄດ້ພຽງແຕ່ຕີນພູເທົ່ານັ້ນ ນອກນັ້ນ ແມ່ນໄດ້ຍ່າງເຂົ້າໄປ ເຊິ່ງໃຊເວລາຍ່າງໄປ-ກັບ ປະມານ 2 ຊົ່ວໂມງ.

 

ໂທລະພາບ ແຂວງ ໄຊສົມບູນ
ແຜນທີ ແຂວງໄຊສົມບູນ
ເບີໂທສຸກເສີຍຂອງ ແຂວງ
ໜັງສືພີມ ປະຊາຊົນ
ໜັງສືພີມເສດຖະກີດ ແລະ ການຄ້າ