ຖ້ຳເຈົ້າອະນຸວົງ

20/08/2020

ຖ້ຳເຈົ້າອະນຸວົງ

ຖ້ຳເຈົ້າອະນຸວົງຕັ້ງຢູ່ເຂດພື່ນທີ່ການປົກຄອງຂອງບ້ານພູຫົວຊ້າງ ຫ່າງຈາກເທດສະບານເມືອງອະນຸວົງ ໄປທາງທິດເໜືອ ຕາມເສັ້ນທາງຂື້ນພູເບ້ຍ ປະມານ 4 ກິໂລແມັດ; ລັກສະນະ ຂອງຖ້ຳແມ່ນເປັນຖ້ຳຫີນປູນ ທີ່ເກີດຈາກການສຽດ ເຊາະ ຂອງນ້ຳ ຊຶ່ງປະກອບມີສອງຖ້ຳ ທີ່ໃກ້ກັນຄື: 

 1. ເປັນຖ້ຳທີ່ມີຄວາມກວ້າງປະມານ 5 ແມັດ, ສູງປະມານ 3 ແມັດ ແລະ ມີຄວາມຍາວເລິກເຂົ້າໄປໃນປະມານ 300 ແມັດ, ຊຶ່ງຊາວບ້ານໄດ້ບອກວ່າ ເປັນບ່ອນພັກເຊົາຂອງທ່ານ ເຈົ້າອະນຸວົງ.

2. ເປັນຖ້ຳທີ່ມີຄວາມກວ້າງປະມານ 5 ແມັດ, ສູງປະມານ 5-7 ແມັດ ແລະ ມິຄວາມເລິກເຂົ້າໄປໃນປະມານ 30 ແມັດ ແລະ ປະຊາຊົນບອກວ່າເປັນບ່ອນັກເຊົາ ຂອງກອງກຳລັງທະຫານເຈົ້າອະນຸວົງ.

ໃນປີ ຄ.ສ 1829 ເຈົ້າອະນຸວົງໄດ້ເຮັດເສິກກັບສະຫຍາມຢູ່ ແຂວງຊຽງຂວາງ  ແຕ່ຍ້ອນກຳລັງພົນ   ໜ້​ອຍກວ່າຝ່າຍສັດຕູ ເຈົ້າອະນຸວົງຈຶ່ງສັ່ງຖອນທັບມາຕັ້ງໝັ້ນຢູ່ເມືອງຈັ້ງນໍ້າ ແຕ່ວ່າກອງທັບສະຫຍາມໄດ້ໄລ່ຕີຕາມມາ ຈຶ່ງໄດ້ຕໍ່ສູ້ກັນຢ່າງດຸເດືອດ; ພໍເຫັນວ່າສູ້ບໍ່ໄຫວ ເຈົ້າອະນຸວົງ ຈຶ່ງສັ່ງຖອນທັບເພື່ອໄປຕັ້ງທັບຢູ່ທາງທິດຕາເວັນອອກແຕ່ສະຫຍາມຍັງຕາມໄປປິດລ້ອມໄວ້ (ຕໍ່ມາເຈົ້າອະນຸວົງ ຈຶ່ງຕັ້ງຊື່ວ່າ: ເມືອງອອມ). ເຈົ້າອະນຸວົງຈຶ່ງຖອນທັບກັບ​ຄືນມາຕັ້ງຢູ່ ເມືອງຈັ້ງນໍ້າອີກ ແລະ ໄດ້ເຂົ້າໄປລີ້ໄພຢູ່ໃນຖ້ຳນີ້ຈຶ່ງເອີ້ນຖ້ຳນີ້ວ່າ: ຖ້ຳເຈົ້າອະນຸວົງ ຈົນເຖິງປະຈຸບັນ.

ຖ້ຳເຈົ້າອະນຸວົງ ຕັ້ງຢູ່ບ້ານພູຫົວຊ້າງ ເມືອງອະນຸວົງ ແຂວງໄຊສົມບູນ ໄປທາງທິດເໜືອປະມານ 4 ກິໂລແມັດ (ທາງຂຶ້ນພູເບ້ຍ) ເປັນທາງດິນແດງ, ການເຂົ້າເຖິງໄດ້ຢ່າງສະດວກສະບາຍ ສາມາດນ້ຳໃຊ້ລົດທຸກຊະນິດ ເຊິ່ງໃຊ້ເວລາໃນການເຂົ້າເຖິງພຽງແຕ່ 10 ນາທີເທົ່ານັ້ນ. ທາງພາກສ່ວນທີ່ກ່ຽວຂ້ອງຂອງແຂວງ ໄດ້ສ້າງຂົວຂ້າມນ້ຳຈັ້ງໄປຫາຖ້ຳເຈົ້າອະນຸວົງ ເພື່ອອຳນວຍຄວາມສະດວກໃນການເຂົ້າເຖິງ ໃຫ້ແກ່ນັກທ່ອງທ່ຽວ.

 

ໂທລະພາບ ແຂວງ ໄຊສົມບູນ
ແຜນທີ ແຂວງໄຊສົມບູນ
ເບີໂທສຸກເສີຍຂອງ ແຂວງ
ໜັງສືພີມ ປະຊາຊົນ
ໜັງສືພີມເສດຖະກີດ ແລະ ການຄ້າ