ກອງປະຊຸມຄົບຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ແຂວງໄຊສົມບູນ ປະຈໍາປີ 2020

06/01/2021

ກອງປະຊຸມຄົບຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ແຂວງໄຊສົມບູນ ປະຈໍາປີ 2020

ກອງປະຊຸມຄົບຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ແຂວງໄຊສົມບູນ ປະຈໍາປີ 2020

    ໃນວັນທີ 21 ທັນວາ 2020 ນີ້ ສະພາປະຊາຊົນແຂວງໄຊສົມບູນ ຈັດກອງປະຊຸມ ຄົບຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 18 ແຂວງໄຊສົມບູນ ປະຈໍາປີ 2020 ທີ່ສະໂມສອນເມືອງອະນຸວົງ, ພາຍໃຕ້ການເປັນປະທານຂອງທ່ານ ບຸນສຸກ ຈອມວິສານ, ປະທານສະພາປະຊາຊົນແຂວງ, ໂດຍເປັນກຽດເຂົ້າຮ່ວມຂອງທ່ານ ພົຕ ຄໍາລຽງ ອຸທະໄກສອນ, ເລຂາພັກແຂວງ, ເຈົ້າແຂວງໄຊສົມບູນ, ມີຄະນະປະຈໍາພັກແຂວງ, ກໍາມະການພັກແຂວງ, ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ ພ້ອມດ້ວຍສະມາຊິກສະພາປະຊາຊົນແຂວງ, ອາດີດສະມາຊິກສະພາ, ອາດີດການນໍາແຂວງ, ແຂກຮັບເຊີນ, ເຂົ້າຮ່ວມ. 

    ທ່ານ ຄໍາແດງ ສີລາວົງ, ຮອງປະທານສະພາປະຊາຊົນແຂວງ ຂື້ນຜ່ານບົດສະຫຼຸບລາຍງານໃນການເຄື່ອນໄຫວວຽກງານ 05 ປີ ( 2016-2020 ) ແລະ ທິດທາງແຜນການເຄື່ອນໄຫວວຽກງານ 05 ປີ ໃນຕໍ່ໜ້າ ( 2021-2025 ) ຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ແຂວງໄຊສົມບູນ ຊຶ່ງຕະຫລອດໄລຍະ 05 ປີ ຜ່ານມາ ຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ໄດ້ເອົາໃຈໃສ່ປັບປຸງກົງຈັກການຈັດຕັ້ງ, ບຸກຄະລະກອນ, ການສ້າງແຜນການ, ຕິດຕາມ, ຊຸກຍູ້ ເຮັດໃຫ້ການເຄື່ອນໄຫວວຽກງານຂອງສະພາແຫ່ງຊາດຢູ່ໃນເຂດເລືອກຕັ້ງຂອງຕົນ ໄດ້ຮັບຜົນສໍາເລັດໃນຫລາຍດ້ານ ເປັນຕົ້ນ: ດ້ານນິຕິກໍາ ກໍ່ໄດ້ເອົາໃຈໃສ່ໃນການໂຄສະນາເຜີຍແຜ່, ລັດຖະທໍາມະນູນ ແລະ ກົດໝາຍ ແລະ ມະຕິກອງປະຊຸມສະພາແຫ່ງຊາດ ໃຫ້ແກ່ຜູ່ມີສິດເລືອກຕັ້ງຕາມຂອບເຂດຄວາມຮັບຜິດຊອບຂອງຕົນ ຢ່າງກວ້າງຂວາງ ພ້ອມນີ້ກໍ່ຍັງໄດ້ເຂົ້າຮ່ວມການສ້າງ, ທາບທາມ, ປັບປຸງ, ພິຈາລະນາ ແລະ ຮັບຮອງເອົາກົດໝາຍ ໃນກອງປະຊຸມຄັ້ງປະຖົມມະລຶກ ແລະ ກອງປະຊຸມສະໄໝສາມັນເທື່ອທີ 2 ຮອດເທື່ອທີ 10 ຂອງສະພາແຫ່ງຊາດ ຊຸດທີ 8 ໄດ້ຈໍານວນ 85 ສະບັບ, ກົດໝາຍສ້າງ ໃໝ່ 34 ສະບັບ ແລະ ກົດໝາຍປັບປຸງ 51 ສະບັບ ສໍາລັບປີ 2020 ສາມາດຮັບຮອງກົດໝາຍໄດ້ຈໍານວນ 09 ສະບັບ ສ້າງ ໃໝ່ 04 ສະບັບ, ປະສານສົມທົບກັບສະພາປະຊາຊົນແຂວງ ໃນການຊຸກຍູ້ການສ້າງນິຕິກໍາໃຕ້ກົດໝາຍຂອງບັນດາພະແນກການຕ່າງໆ ໄດ້ຈໍານວນ 12 ສະບັບ, ເກີນແຜນຄາດໝາຍ 04 ສະບັບ, ສໍາລັບປີ 2020 ສາມາດຮັບຮອງໄດ້ 01 ສະບັບ, ນິຕິກໍາ 01 ສະບັບ, ດ້ານການຕົກລົງບັນຫາສໍາຄັນພື້ນຖານ ຂອງຊາດ ແລະ ຂອງແຂວງ, ດ້ານການຕິດຕາມກວດກາ, ດ້ານການສ້າງຄວາມເຂັ້ມແຂງໃຫ້ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ ແລະ ວຽກງານດ້ານອື່ນໆ ກໍ່ໄດ້ຮັບການຈັດຕັ້ງປະຕິບັດມີຜົນສໍາເລັດ. ຈາກນັ້ນ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ ແລະ ຜູ່ແທນກອງປະຊຸມ ກໍ່ໄດ້ຜັດປ່ຽນກັນ ປະກອບຄໍາຄິດ-ຄໍາເຫັນ ໃສ່ບົດສະຫລຸບລາຍງານການຈັດຕັ້ງປະຕິບັດວຽກງານໃນໄລຍະທີ່ຜ່ານມາ ແລະ ທິດທາງແຜນການໃນຕໍ່ໜ້າ ຢ່າງກົງໄປ-ກົງມາ ດ້ວຍຄວາມຮັບຜິດຊອບສູງ. ຫລັງຈາກນັ້ນ ໄດ້ພ້ອມ ຕົບມືຮັບຮອງເອົາ ບົດລາຍງານດັ່ງກ່າວ ຢ່າງເປັນເອກະສັນ ທັງນີ້ ກໍ່ເພື່ອເປັນການຕີລາຄາຄືນ ໃນການເຄື່ອນໄຫວວຽກງານ ໃນໄລຍະ 5 ປີ ຜ່ານມາ ຂອງຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ພ້ອມທັງກໍານົດທິດທາງແຜນການ 5 ປີ ຕໍ່ໜ້າ ໃຫ້ໄດ້ຮັບການຈັດຕັ້ງປະຕິບັດມີຜົນສໍາເລັດ ຕາມແຜນການທີ່ວາງໃວ້. ພ້ອມດຽວກັນນີ້ ໃນຕອນທ້າຍຂອງກອງປະຊຸມ ຍັງໄດ້ມອບໃບຢັ້ງຢືນ ແລະ ຫລຽນກາລະນຶກສະມາຊິກສະພາແຫ່ງຊາດ ແລະ ຫລຽນກາລະນຶກ 45 ປີ ໃຫ້ບັນດາທ່ານ ການນໍາຂອງແຂວງ, ສະມາຊິກສະພາແຫ່ງຊາດ ແລະ ອາດີດສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ໂດຍການມອບ ຂອງທ່ານ ບຸນສຸກ ຈອມວິສານ, ປະທານສະພາປະຊາຊົນ ແຂວງໄຊສົມບູນ.

 

 

ໂທລະພາບ ແຂວງ ໄຊສົມບູນ
ແຜນທີ ແຂວງໄຊສົມບູນ
ເບີໂທສຸກເສີຍຂອງ ແຂວງ
ໜັງສືພີມ ປະຊາຊົນ
ໜັງສືພີມເສດຖະກີດ ແລະ ການຄ້າ