ທິມງານ ສະຖາບັນວິທະຍາສາດສັງຄົມ ແຫ່ງຊາດ ຂຶ້ນພິຊິດຈອມພູເບ້ຍ ຢູ່ແຂວງໄຊສົມບູນ

06/01/2021

ທິມງານ ສະຖາບັນວິທະຍາສາດສັງຄົມ ແຫ່ງຊາດ ຂຶ້ນພິຊິດຈອມພູເບ້ຍ ຢູ່ແຂວງໄຊສົມບູນ

ທິມງານ ສະຖາບັນວິທະຍາສາດສັງຄົມ ແຫ່ງຊາດ ຂຶ້ນພິຊິດຈອມພູເບ້ຍ ຢູ່ແຂວງໄຊສົມບູນ

    ທ່ານ ລາວປາວຊົ່ງ ນະວົງໄຊ, ກຳມະການສຳຮອງສູນກາງພັກ, ຮອງປະທານສະຖາບັນວິທະຍາສາດສັງຄົມ ແຫ່ງຊາດ ພ້ອມດ້ວຍທິມງານ ໄດ້ຂຶ້ນພິຊິດຈອມພູເບ້ຍ ຢູ່ແຂວງໄຊສົມບູນ ໃນວັນທີ 5 ທັນວາ 2020 ນີ້ ໂດຍການນຳພາຂອງທ່ານ ຕົ່ງມົວ ຊົວໂກ້, ຄະນະປະຈໍາພັກແຂວງ, ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງໄຊສົມບູນ ແລະ ທ່ານ ທົງສະຫວັນ ໂພສະລາດ, ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ, ຜູ້ຊີ້ນຳວຽກງານທ່ອງທ່ຽວ ພ້ອມດ້ວຍທຸກພາກສ່ວນພາຍໃນແຂວງ ເຂົ້າຮ່ວມຂະບວນການ ຢ່າງຫຼວງຫຼາຍ.

    ສຳລັບການຂຶ້ນພິຊິດຈອມພູເບ້ຍ ຄັ້ງນີ້ ຜູ້ເຂົ້າຮ່ວມຂະບວນການ ໄດ້ຊົມທິວທັດທຳມະຊາດອັນສວຍງາມຂອງພູ້ເບ້ຍ ທີ່ໄດ້ກຳນົດໄວ້ຕາມຈຸດຕ່າງໆ ດ້ວຍຄວາມປະທັບໃຈ ທີ່ສຳຄັນແມ່ນຂະບວນການໄດ້ຂຶ້ນພິຊິດເຖິງໄຊຊະນະສູງສຸດ ກໍຄືຈອມພູເບ້ຍ ຢ່າງສະຫງ່າຜ່າເຜີຍ ຊຶ່ງເປັນຈອມພູທີ່ມີຄວາມສູງອັນດັບໜຶ່ງ ຂອງ ສປປ ລາວ ໂດຍມີຄວາມສູງໃນລະດັບ 2,820 ແມັດ ຈາກລະດັບໜ້ານໍ້າທະເລ ຊຶ່ງໄດ້ຮັບຂະໜານນາມວ່າ: ຫຼັງຄາຂອງປະເທດລາວ. ພ້ອມນີ້ ພູເບ້ຍ ຍັງຖືກອ້ອມຮອບໄປດ້ວຍຕົ້ນໄມ້ທີ່ຖືກຫຸ້ມຫໍ່ດ້ວຍຂົນ ທີ່ມີຄວາມສວຍງາມເປັນພິເສດ ແລະ ໜ້າອັດສະຈັນ ເມື່ອໄດ້ເຫັນ. ນອກນີ້ ຈຸດເດັ່ນທີ່ສຳຄັນອີກຢ່າງໜຶ່ງຂອງພູເບ້ຍ ກໍຄືຕົ້ນດອກກຸຫຼາບລ້ານປີ ທີ່ເກີດແຊມຊອນເທິງຈອມພູ ຢ່າງສວຍງາມຕາມທຳມະຊາດ ໂດຍມີມ່ານໝອກປົກຄຸມຕະຫຼອດເວລາ ເຮັດໃຫ້ບັນຍາກາດອ້ອມຮອບມີຄວາມອະລັງການ ແລະ ໜາວເຢັນຕະຫຼອດປີ. ຄຽງຄູ່ກັນນີ້ ຍັງເປັນການສົ່ງເສີມວຽກງານການທ່ອງທ່ຽວ ຂອງແຂວງໄຊສົມບູນ ໃຫ້ເຕີບໃຫຍ່ຂະຫຍາຍຕົວຢ່າງຕໍ່ເນື່ອງ ທັງປະກອບສ່ວນທີ່ສຳຄັນ ເຂົ້າໃນການພັດທະນາເສດຖະກິດ-ສັງຄົມ ຂອງແຂວງ ຕາມ 5 ທ່າແຮງ ໃຫ້ປະກົດຜົນເປັນຈິງ. ທັງສະແດງໃຫ້ເຫັນເຖິງສະຖຽນລະພາບ ທາງດ້ານການເມືອງ ຢ່າງໜັກແໜ້ນ ທີ່ສາມາດນຳພາຂະບວນການຂຶ້ນພິຊິດຈອມພູເບ້ຍ ໄດ້ຢ່າງສະດວກສະບາຍໃນແຕ່ລະຄັ້ງ ແລະ ຮັບປະກັນຄວາມປອດໄພຮ້ອຍສ່ວນຮ້ອຍ.

 

 

ໂທລະພາບ ແຂວງ ໄຊສົມບູນ
ແຜນທີ ແຂວງໄຊສົມບູນ
ເບີໂທສຸກເສີຍຂອງ ແຂວງ
ໜັງສືພີມ ປະຊາຊົນ
ໜັງສືພີມເສດຖະກີດ ແລະ ການຄ້າ